Polşada “F-16” döyüş təyyarəsini ilk dəfə qadın idarə edəcək.
Bu barədə Polşanın müdafiə naziri Vladislav Kosinyak-Kamış sosial şəbəkədə yazıb.
“Hərbi Hava Qüvvələrimiz və bütün Polşa Silahlı Qüvvələri üçün vacib xəbər – “F-16” qrıcı təyyarəsini ilk dəfə qadın pilot idarə edəcək”, – deyə o qeyd edib.
Nazirin sözlərinə görə, zabit Laskdakı 32-ci Taktiki Hava Bazasında xidmət edir.
“O, ABŞ-da təlim keçib və indi bizim qırıcılarımızı idarə edə bilir”, – deyə nazir əlavə edib.
Kosinyak-Kamışın qeyd edib ki, daha bir qadın pilot Kşesindəki 31-ci bazada təlim keçir.
Qeyd edək ki, Polşa Hərbi Hava Qüvvələri 48 ədəd “F-16” qırıcısına sahibdir.
