Bu gün Qəbələ rayon Qəbələ Peşə təhsil mərkəzində Emin Barat oğlunun şəhid Vasif Süleymanova həsr olunmuş ” Vasifsiz keçən günlər” kitabının təqdimatı keçirildi.
Tədbirdə Qəbələ Peşə təhsil mərkəzinin müəllim , şagird kollektivi, şəhid ailələri yazarlar, Bakıdan ,digər regionlardan gələn qonaqlar, təşkilat rəhbərləri iştirak etdilər.
Tədbiri giriş sözü ilə açan Peşə təhsil mərkəzinin müavini Reyhan Çələbli gələn qonaqları salamladı.
Sonra Azərbaycan respublikasının dövlət himni səsləndirilmiş şəhidlərin xatirəsi bir dəqiqəlik sükutla yad edildi
Çıxış üçün söz kitabın müəllifi Emin Barat oğluna verildi.
Tədbirdə şəhid Vasif Süleymanov həyatı haqqında kiçik video çarx nümayiş edilmişdir.
Gələn qonaqlar çıxış edərək şəhid ailələrinə başsağlığı vermişdir.
Şəhid atası gələn qonaqlar minnətdarlığını bildirmiş, şəhid Vasif Süleymanovun adına yazılmış kitabları tələbələrə təqdim etmişdir.
Süleymanov Vasif Akif oğlu 2002 çi il fevral ayının 24-ü Qəbələ rayonu Bum qəsəbəsində anadan olmuşdur. Orta təhsilini Qəbələ rayonu Bum qəsəbə orta məktəbində almışdır. Qəbələ rayonunda olan Peşə Məktəbində aşbazlıq bölümündə oxumuşdur. 2020 çi ildə Covid-19 virusu və pandemiya vəziyyəti ilə əlaqədar olaraq həqiqi hərbi xidmətinə aprel ayında deyil, may ayının 8-i getmiş,ordu sıralarında aşpaz olmasını təklif etsələr də , öz istəyi ilə buna razı olmamışdır.Süleymanov Vasif həqiqi hərbi xidmətini Gəncə və Cəlilabadda N saylı hərbi hissədə keçmiş, 2020 çi il 27 sentyabrda başlanan İkinci Qarabağ Müharibəsində iştirak etmiş, bir neçə yerlərin düşmən işğalından azad olunmasında böyük şücaət göstərmişdir. 2020 çi il oktyabr ayının 6-ı Füzuli rayonu uğrunda gedən döyüşlərdə qəhrəmancasına şəhid olmuşdur. Qəbələ rayonu Bum qəsəbəsində dəfn olunmuşdur . SSRİ(Sovet) Ordu sıralarında xidmət edərkən şəhid olan Vasif əmisinin adını daşıyırdı. İki bacının bir qardaşı idi.
Allah rəhmət eləsin şəhidlərimizə
Təranə Alməmmədova
Dünya Azərbaycanlıların Mədəniyyət Mərkəzi Sabitlik və İnkişaf Mərkəzinin Qəbələ rayon nümayəndəliyinin rəhbəri
