Türkiyədə sosial şəbəkə platformalarında problem yaşanır.
Bu barədə istifadəçilər məlumat paylaşıblar. Onlar “X”, “Instagram”, “Facebook”, və digər sosial şəbəkələrə girişdə problem yaşadıqlarını bildiriblər.
Bunun Türk Aerokosmik Sənayesinə (TUSAŞ) terror hücumu ilə bağlı qoyulan məhdudiyyətlərlə əlaqəli olduğu hesab edilir.
Qeyd edək ki, daha öncə Radio və Televiziya Ali Şurasının (RTÜK) sədri Əbubəkir Şahin baş verən terrorla bağlı mediaya yayım qadağası tətbiq edildiyini açıqlayıb.
