Bu gün İctimai Nəzarət Koalisiyasının üzvləri və rəhbər heyəti Ümümmilli lider Heydər Əliyevin məzarını ziyarət etmişlər.
113 Vətəndaş Cəmiyyəti təsisatını – QHT, KİV, internet portalı və saytı birləşdirən İctimai Nəzarət Koalisiyasının eləcə də Dünya Azərbaycanlıları Mədəniyyət Mərkəzi, Sabitlik və İnkişaf Mərkəzi, Yeni yazarlar və Sənətçilər İctimai Birliklərinin rəhbərləri, fəalları, könüllülərinin növbəti ənənəvi ziyarətində respublikanın bir sıra elm və mədəniyyət xadimləri, hüquq mühafizə orqanları rəhbərləri və gənclər iştirak etmişlər.
İctimai Nəzarət Koalisiyasının sədri, Dünya Azərbaycanlıları Mədəniyyət Mərkəzinin I vitse – prezidenti, Sabitlik və İnkişaf Mərkəzinin rəhbəri Rasim Məmmədov ulu öndərin məzarı önündəki möhtəşəm çıxışı ilə hər zamankı kimi ürəkləri riqqətə gətirmişdir.
Ziyarətdən sonra İNK-nın QHT evində ulu öndərə hörmət və məhəbbətlə dolu ictimai dinləmələr davam etmişdir.
“ictimaixeber.az”
