Bu gün AVRO-2020-nin seçmə mərhələsinə yekun vurulacaq.
Son oyun günündə 4 qrupda X turun matçları keçiriləcək.
Seçmə mərhələdən AVRO-2020-yə yüksələcək 20 komandadan 19-u bəlli olduğundan son oyun günündə yalnız bir vəsiqə sahibini tapacaq. Final mərhələsinə son vəsiqə E qrupunda 2-ci yeri tutan komandaya nəsib olacaq.
Bunda Azərbaycan millisinin də müəyyən dərəcədə rolu ola bilər. Düzdür, AVRO-2020-yə vəsiqənin taleyi Uelsdə həll olunmalıdır. Meydan sahibləri ilə Macarıstan arasında qarşılaşmada qalib gələn komanda son vəsiqəyə yiyələnəcək.
Lakin heç-heçə hər iki komandanın yolunu bağlaya da bilər. Macarıstanla Uelsin hər ikisinin xal itirməsi Slovakiya üçün şans yaradacaq. Lakin bunun üçün Azərbaycanı Trnavada qəbul edəcək komanda özü də qalib gəlməlidir. Sonuncu olan millimiz isə rəqibi büdrətməklə macarlara hətta heç-heçə ilə final mərhələsinə çıxmaq imkanı yarada bilər.
G və İ qruplarında son tur heç bir əhəmiyyət daşımır. Polşa və Belçika qrup birincisi, Avstriya ilə Rusiya 2-ci yer sahibi kimi final mərhələsinə yüksəliblər.
C qrupunda Almaniya ilə Niderland son turda da qiyabi mübarizə aparacaq. Nəhənglər 1-ci yerin taleyinə aydınlıq gətirməlidir. Bundestim zirvədəki mövqeyini qorumaq üçün Şimali İrlandiyaya qalib gəlməlidirsə, “narıncılar” həm özləri qələbə qazanmalı, həm də almanların xal itkisini gözləməlidir.
Qeyd edək ki, oyunları 12 şəhərdə, o cümlədən Bakıda keçiriləcək final mərhələsinə 19 komanda – Belçika, Polşa, Ukrayna, Rusiya, İspaniya, İtaliya, Türkiyə, Fransa, İngiltərə, Çexiya, Finlandiya, İsveç, Almaniya, Niderland, Xorvatiya, Avstriya, Portuqaliya, İsveçrə və Danimarka vəsiqə qazanıb. Digər 4 vəsiqə isə gələn il baş tutacaq pley-offda sahibini tapacaq.
AVRO-2020-nin seçmə mərhələsi
X tur
19 noyabr
C qrupu
23:45. Niderland – Estoniya
23:45. Almaniya – Şimali İrlandiya
| 1 | Almaniya | 7 | 6 | 0 | 1 | 24-6 | 18 |
| 2 | Niderland | 7 | 5 | 1 | 1 | 19-7 | 16 |
| 3 | Ş.İrlandiya | 7 | 4 | 1 | 2 | 8-7 | 13 |
| 4 | Belarus | 8 | 1 | 1 | 6 | 4-16 | 4 |
| 5 | Estoniya | 7 | 0 | 1 | 6 | 2-21 | 1 |
E qrupu
23:45. Uels – Macarıstan
23:45. Slovakiya – Azərbaycan
| 1 | Xorvatiya | 8 | 5 | 2 | 1 | 17-7 | 17 |
| 2 | Macarıstan | 7 | 4 | 0 | 3 | 8-9 | 12 |
| 3 | Uels | 7 | 3 | 2 | 2 | 8-6 | 11 |
| 4 | Slovakiya | 7 | 3 | 1 | 3 | 11-11 | 10 |
| 5 | Azərbaycan | 7 | 0 | 1 | 6 | 5-16 | 1 |
G qrupu
23:45. Polşa – Sloveniya
23:45. Latviya – Avstriya
23:45. Şimali Makedoniya – İsrail
| 1 | Polşa | 9 | 7
|
1 | 1 | 15-3 | 22 |
| 2 | Avstriya | 9 | 6 | 1 | 2 | 19-8 | 19 |
| 3 | Sloveniya | 9 | 4 | 2 | 3 | 14-8 | 14 |
| 4 | Ş.Makedoniya | 9 | 3 | 2 | 4 | 11-13 | 11 |
| 5 | İsrail | 9 | 3 | 2 | 4 | 16-17 | 11 |
| 6 | Latviya | 9 | 0 | 0 | 9 | 2-28 | 0 |
İ qrupu
23:45. Belçika – Kipr
23:45. San-Marino – Rusiya
23:45. Şotlandiya – Qazaxıstan
| 1 | Belçika | 9 | 9 | 0 | 0 | 34-2 | 27 |
| 2 | Rusiya | 9 | 7 | 0 | 2 | 28-8 | 21 |
| 4 | Kipr | 9 | 3 | 1 | 5 | 14-14 | 10 |
| 3 | Şotlandiya | 9 | 4 | 0 | 5 | 13-18 | 12 |
| 5 | Qazaxıstan | 9 | 3 | 1 | 5 | 12-14 | 10 |
| 6 | San-Marino | 9 | 0 | 0 | 9 | 1-46 | 0 |
