“Webb Kosmik” Teleskopu tərəfindən çəkilən “2024 YR4” adlı asteroidin 2032-ci ildə Yerlə toqquşma ehtimalı var. Alimlər mümkün risklər barədə xəbərdarlıq edirlər.
Bu barədə NASA məlumat yayıb.
Diametri təqribən 60 metr olan göy cisminin 15 mərtəbəli bina ölçüsündə olduğu açıqlanıb. 2023-cü ildə kəşf edilən və ilkin analizlərdə Yerlə toqquşma ehtimalı 3 faiz olan asteroid təşvişə səbəb olmuşdu. Lakin yeni müşahidələr təsir riskinin demək olar ki, sıfıra endiyini ortaya qoyub. Buna baxmayaraq, hələ də Ayı vurma ehtimalının olduğu bildirilir.
Qeyd olunub ki, “2024 YR4” dörd ildən bir Yer kürəsinin yaxınlığından keçir. Yerüstü teleskoplar da bu kosmos qayasını izləməyə davam edir.
“Johns Hopkins” Universitetinin astronomu Endryu Rivkin bildirib ki, bu müşahidələr “2024 YR4” kimi obyektlərin hərəkətlərini anlamaq və potensial təhlükələri proqnozlaşdırmaq üçün vacibdir.
