Səudiyyə Ərəbistanı Türkiyəyə öz ərazisində hərbi baza yaradılması ilə bağlı təklif edib.
Bu barədə “Hürriyet” qəzeti məlumat yayıb.
Məlumata görə, baza Türkiyənin Qətərdəki hərbi bazası modelində yaradıla bilər. Lakin bunun üçün Türkiyə parlamentinin müvafiq qərarları təsdiqləməsi və zəruri hüquqi prosedurların tamamlanması tələb olunur.
Qeyd edək ki, Türkiyə hazırda Qətər, İraq, Suriya, Somali, Liviya və digər ölkələrdə hərbi mövcudluğa malikdir. Yeni baza Türkiyənin Yaxın Şərqdə təhlükəsizlik sahəsində mövqelərini gücləndirmək strategiyasının bir hissəsi ola bilər.
