Bu gecə Azərbaycanda Ramazan ayının ikinci Qədr (əhya) gecəsidir.
Qafqaz Müsəlmanları İdarəsinin məlumatına görə, Ramazan ayının ikinci Qədr gecəsi aprelin 21-dən 22-nə keçən gecəyə təsadüf edir.
Ramazan ayının üçüncü Qədr gecəsi aprelin 23-ü, dördüncüsü isə aprelin 27-də olacaq.
Qeyd edək ki, Qədr gecəsi Allahın kitabı Quranın nazil olduğu gecədir. Qurani-Kərim İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.
Məlumat üçün bildirək ki, Şəvval ayının 1-i (2 may) Fitr (Ramazan) bayramıdır. Azərbaycanda Ramazan ayı aprelin 2-də başlayıb.
