İyulun 31-nə keçən gecə Rusiyanın Kiyevə endirdiyi zərbə nəticəsində biri azyaşlı uşaq olmaqla 6 nəfər həlak olub.
Bu barədə Kiyev Hərbi Administrasiyasının rəhbəri Timur Tkaçenko “Telegram”da məlumat verib.
“Hazırda xidmətlər 6 nəfərin öldüyünü təsdiqləyir. Onlardan 4-ü Svyatoşinski rayonunda, 2-si Solomenskidədir. Ölənlər arasında altı yaşlı uşaq da var”, – Tkaçenko bildirib.
O əlavə edib ki, axtarış-xilasetmə əməliyyatı davam edir.
İyulun 31-nə keçən gecə rus işğalçıları pilotsuz təyyarələr və raketlərlə Kiyevə hücum edib.
