Bakıda təşkil olunan voleybol üzrə Avropa çempionatının C qrupunda daha bir oyun baş tutub.
Günün ilk matçında Belçika və Niderland komandaları üz-üzə gəlib.
Milli Gimnastika Arenasındakı qarşılaşma Belçikanın qələbəsi ilə yekunlaşıb – 3:2.
Qrupda lider olan komanda bu qalibiyyət sayəsində xallarının sayını 13-ə çatdırıb. “Narıncılar” 9 xalla ikinci sıradadır.
Günün ikinci görüşündə, saat 18:30-da Portuqaliya millisi Rumıniya ilə qarşılaşacaq.
Qeyd edək ki, C qrupunun oyunları avqustun 28-nə qədər Bakıda təşkil olunacaq.
