Minimum maaşın artırılması 700 min nəfəri əhatə edir. Bunun 400 min nəfəri dövlət, 300 min nəfəri isə özəl sektorun payına düşür.
Bunu DSMF-nin İdarə Heyətinin sədri Himalay Məmişov brifinqdə deyib.
Qeyd edək ki, Prezident İlham Əliyevin 23 dekabr 2024-cü il tarixli Sərəncamına uyğun olaraq, reallaşdırılan yeni sosial islahat paketi çərçivəsində 2025-ci ilin əvvəlindən minimum maaş 345 manatdan 16 faiz artımla 400 manata çatdırılıb, özəl sektor da daxil olmaqla, bir sıra sahələrdə maaş artırılıb.
