“Dünya birliyi tənəzzül yaşayır və öz tarixinin ən pis mərhələsinə yaxınlaşır”.
Bunu Salvador Prezidenti Nayib Bukele BMT Baş Assambleyasının 79-cu sessiyası çərçivəsində yüksək səviyyəli həftədə çıxış edərək qeyd edib.
O vurğulayıb ki, qarşıda bütün dünya üçün yeni münaqişələr və “ağır dönüş nöqtəsi” var:
“Biz bəşəriyyətin yeni qaranlıq dövrü ilə üz-üzəyik. Salvadorlular olaraq, biz bu tənəzzül əlamətlərini görəndə tanıyırıq, çünki biz bunların hamısından keçmişik. Biz millətimizin süqutunun mərhələlərini bir-birinin ardınca keçmişik və eyni mərhələləri yenə görürük, amma bu dəfə qlobal miqyasda. Qaranlıq günlər yaşayan və onlardan çıxmaq üçün, həyatı üçün mübarizə aparan bir dost olaraq yalnız bir xəbərdarlıq edə bilərik”, – Bukele xəbərdarlıq edib.
O, əlavə edib ki, beynəlxalq ictimaiyyət artıq birləşmir, daha da düşmən və təlaşlı olur.
Bukele Qərb dövlətlərinin ifadə azadlığının qalası statusunu itirdiyini vurğulayıb.
“Bu, çoxdan başlamışdı, lakin biz bunu indi daha yaxşı görürük, çünki son illərdə sürətlənib və bu sürətlənmə bizim acınacaqlı dönüş nöqtəsinə yaxınlaşdığımız anlamına gəlir”, – deyə siyasətçi yekunlaşdırıb.
