YeniMedia.az portalı Dialoq.qa saytına istinadən verdiyi xəbərə görə, qarşıdan gələn növbədənkənar Milli Məclis seçkilərində Bakının Yasamal rayonunda yaşayan çoxsaylı vətəndaşların, paytaxt sakinlərinin ardıcıl sosial-siyasi sifarişi, davamlı təklifi ilə namizədliyi özü tərəfindən irəli sürülmüş qalmaqallı və tanınmış ictimai xadimlə bağlı rəsmi qərar qəbul edilib.
Yeni Yazarlar və Sənətçilər İctimai Birliyinin sədri, Prezident təqaüdçüsü, www.kitabxana.net – Mir Cəlal Paşayev adına Milli Virtual-Elektron Kitabxananın, eyni zamanda www.Yenimediaşnet analitik-informasiya portalının təsisçisi və baş redaktoru, tanınmış ictimai və mədəniyyət xadimi, yazıçı-kulturoloq, Aydın (Xan) Əbilov Əhməd oğlunun deputatlığa namizədliyi Yasamal 3-cü seçki dairəsindən rəsmi qaydada qeydiyyata alınıb.
A.Əbilov, əsasən gənclərdən ibarət imzaları toplayan qrupların üzvlərinə, inanaraq onun namizədliyini dəstəkləyən seçicilərə, eləcə də dəstəkləyən hər kəsə xüsusi minnətdarlığını çatdırıb.
