Qəbələdə Vətən Müharibəsi şəhidləri – İqbal Babayev və Aydın Bayramovun ildönümü qeyd edilmişdir
2021-10-28
Bu gün Müzəffər Ali Baş Komandan İlham Əliyevin rəhbərliyi ilə Ermənistan Silahlı Qüvvələrinin təcavüzünə qarşı əkshücum əməliyyatı ilə başlanılan Vətən müharibəsində şəhid olmuş Qəbələ oğulları- Babayev İqbal Zəki oğlu və Bayramov Aydın Mətləb oğlunun Şəhidlik zirvəsinə ucalmalarından 1 il ötür. Bu münasibətilə rayon icra hakimiyyətinin,İNK Qəbələ rəhbəri, şəhid ailələri, qazilər, hüquq-mühafizə orqanlarının, idarə, müəssisə, təşkilatların rəhbərləri və şəhidlərin təhsil aldığı məktəblərin kollektivi onların məzarını ziyarət edərək, üzərlərinə gül dəstələri qoymuş, xatirələri anılaraq, ruhlarına dualar oxunmuşdur.
Mərasim iştirakçıları şəhidlərin ata evində ehsan süfrəsi arxasında tədbiri davam etdirmişdilər.
Allah rəhmət eləsin şəhidlərimizə.
Alməmmədova Təranə
İctimai Nəzərət Koalisiya Qəbələ rayon numayəndliyi sədri
