Görkəmli bəstəkar, dirijor, pedaqoq,Azərbaycanın Xalq artisti, Dövlət mükafatı laureatı, “Şöhrət”Ordenli, professor Süleyman Ələsgərovun anadan olmasının 100 illiyinə həsr olunmuş tədbir ,Azərbaycan Bəstəkarlar İttifaqının Ü.Hacıbəyli adına Konsert Salonunda keçirildi.
Tədbirin aparıcısı ,Əməkdar mədəniyyət işçisi,Sənətşünaslıq üzrə fəlsəfə doktoru Səadət Təhmirazqızı ön sözü Azərbaycan Bəstəkarlar İttifaqının sədri ,AMEA- nın müxbir üzvü,Xalq artisti, professor Firəngiz Əlizadəyə verdi.Firəngiz xanım, görkəmli sənətkar haqqında ətraflı məlumatlarla tədbir iştirakçılarını tanış etdi.
S.Rüstəmin sözlərinə S.Ələsgərovun bəstələdiyi ” Qarabağ” mahnısını ifa etməzdən əvvəl,Əməkdar artist Ramil Qasımov bəstəkarla olan unudulmaz xatirələrindən danışdı..
” Xəyallara dalarkən…”sənədli televiziya filminin nümayişi S.Ələsgərovun həyat və yaradıcılıgına həsr olunmuşdu.İzləyicilər bu filmin baxışını alqışlarla qarşıladılar.
Sənətşünaslıq üzrə elmlər doktoru, dosent Leyla Zöhrabova bəstəkarın pedaqoji fəaliyyətindən söz açdı.Sonra Şuşa Rayon İcra Hakimiyyəti Başçısının müavini Vüsalə Fətəliyeva ABİ- nln Qarabağ Bölgə Təşkilatının yaradılmasında S.Ələsgərovun rolundan bəhs etdi.
Xalq artisti, professor,ADXÇAO-nin bədii rəhbəri və baş dirijoru Ağaverdi Paşayev S. Ələsgərovun xalq çalğı alətləri orkestrinin inkişaflndakı rolundan danışdı.S.Ələsgərov adına 1 saylı Uşaq Musiqi Məktəbinin ll sinif şagirdi Qurban Nəsirlının violində ifa etdiyi ” Balaca çoban”,Kanonçalanlar Ansamblının ifa etdiyi ” Şalaxo” və Beynəlxalq müsabiqə laureatı Bəhruz Zeynalın tarda ifa etdiyi “Daimi hərəkət” -i tədbir iştirakçıları coşqu hissi ilə alqışladılar…..
Əməkdar artist,F.Əmirov adına Gəncə Dövlət Filarmoniyasının direktoru Ramil Qasımov S.Ələsgərovun operettaları haqqında danışdıqdan sonra sözü,” Əməkdar incəsənət xadimi,”A.Zeynallı adına Bakı Musiqı Kollecinin direktoru Nazım Kazımova verdi.Nazim müəllim S..Ələsgərovla olan maraqlı xatirələrindən,ailəsinin-xüsusən anasının xeyirxah əməllərindən həvəslə söhbət açdı….Maraqlı keçən bu tədbirdə elm və mədəniyyət sahəsində çalışanlar, tanınmış ziyalılar, media nümayəndələri iştirak edirdilər. Vüsalə xanım iştirakçıları Şuşada bərpa olunub istifadəyə veriləcək muzey- kitabxananın açılışında iştirak etməyə dəvət etdi. Sonda xatirə şəkilləri çəkildi.
NƏZAKƏT EMİNQIZI,
“DAMM- nin EŞ- nın sədri, “Yazarlar” jurnalının İƏ üzrə meneceri, AJB- nin üzvü,yazıçı- publisist.
