“Ermənistanda iki dövlət, bir millətin gücünü göstərdim”.
Bunu Ermənistanın paytaxtı İrəvanda keçirilən ağırlıqqaldırma üzrə Avropa çempionatının qalibi olan Türkiyə millisinin üzvü Nuray Güngör Bakıdakı qarşılama mərasimində jurnalistlərə açıqlamasında deyib.
O, təmtəraqlı qarşılanmaya görə təşəkkürünü bildirib: “Bu bir daha Azərbaycan və Türkiyə qardaşlığını ortaya qoyur. Orada Azərbaycana qarşı olan hörmətsizlik bizə də edilmiş sayılır. Azərbaycan yığması həmin hadisədən sonra yarışı tərk etməli oldu. Dedim ki, onlar yoxdurlarsa, biz varıq. Ən gözəl cavabımız dövlət himnimizin səslənməsi oldu. Bunun ayrı qüruru var. Medallarımı Azərbaycan xalqına ərməğan edirəm”.
