Müasir uşaq filmlərində məşhur nağılların süjetlərinin bir-birinə qarışdırılması uşaqlarda xeyirlə şər anlayışları ilə bağlı çaşqınlıq yarada bilər.
Bunu yazıçı Andrey Rubanov müasir uşaq filmləri barədə danışarkən deyib.
Onun sözlərinə görə, son dövrlərdə çəkilən bəzi ekran əsərlərində zəngin və qədim mifologiyanın müxtəlif elementləri qarışdırılır. Bu isə uşaqların obrazların yaxşı, yaxud pis olduğunu anlamasını çətinləşdirir.
“Orada bizim bütün zəngin və qədim mifologiyamız bir-birinə qarışıb, hər şey alt-üst edilib. Uşaq filmə baxdıqdan sonra deyir: “Mən başa düşmədim, Kaşey yaxşıdır, yoxsa pis?” Böyük buna nə cavab verməlidir?” – Rubanov bildirib.
Yazıçı vurğulayıb ki, mifologiyada əsas məqamlardan biri süjet və anlayışlar arasındakı strukturun qorunmasıdır.
“Mif ona görə mifdir ki, onun strukturu var. Şər həmişə çox güclüdür, amma xeyir həmişə daha güclüdür”, – deyə o əlavə edib.
