Avqustun 30-na keçən gecə Ukrayna Silahlı Qüvvələri Rusiyanın bir sıra bölgələrinə hücum edib. Hücumlar dəf edilib, 86 pilotsuz uçan aparat zərərsizləşdirilib.
Bu barədə Rusiya Müdafiə Nazirliyi məlumat yayıb.
Bildirilib ki, pilotsuz aparatların əksəriyyəti – 30-u Qara dəniz üzərində vurulub. Daha 15 təyyarə Krım üzərində, 13-ü isə Rostov vilayəti üzərində vurulub. Bundan əlavə, Kuban səmasında 11 pilotsuz təyyarə zərərsizləşdirilib.
Daha beş PUA Bryansk vilayəti üzərində, dördü Belqorod vilayəti üzərində vurulub. İki pilotsuz təyyarə Smolensk, Kaluqa və Tver vilayətləri üzərində, biri Tula və Kursk vilayətləri üzərində məhv edilib.
