Ötən gecə Rusiya hava hücumundan müdafiə sistemləri Ukrayna Silahlı Qüvvələrinin 122 pilotsuz uçuş aparatını məhv edib.
Bu barədə Rusiya Müdafiə Nazirliyi məlumat yayıb.
“Sentyabrın 10-da gecə yarısından Moskva vaxtı ilə saat 05:00-a qədər növbətçi hava hücumundan müdafiə sistemləri Ukraynaya məxsus 122 təyyarə tipli pilotsuz uçuş aparatını məhv edib”, – məlumatda bildirilir.
Əsas hücum 20-dən çox pilotsuz uçan aparatın vurulduğu Bryansk vilayətinə olub. Daha 17-si Krım üzərində, 15-i Qara dənizdə zərərsizləşdirilib.
Voronej, Belqorod, Kursk vilayətləri və Krasnodar diyarı üzərində 10-dan çox Ukrayna PUA-sı vurulub.
Oryol, Kaluqa, Ryazan, Tula, Nijni Novqorod, Rostov və Tver vilayətlərində isə 10-a qədər pilotsuz təyyarə məhv edilib.
