İyulun 18-dən 19-na keçən gecə Ukrayna Silahlı Qüvvələri (AFU) Moskvaya pilotsuz təyyarə ilə hücum həyata keçirməyə cəhd edib.
Bu barədə Moskva meri Sergey Sobyanin bildirib. Onun sözlərinə görə, Hava Hücumundan Müdafiə Qüvvələri paytaxta yaxınlaşan 14 pilotsuz uçuş aparatını (PUA) vurub.
Sobyanin “Telegram” kanalında bir neçə dəfə yenilənmiş məlumat paylaşıb:
Moskva vaxtı ilə saat 22:43-də dronların vurulduğunu bildirib;
00:20-də daha üç dronun məhv edildiyini deyib;
00:36-da daha bir dron vurulub;
01:12-də daha iki dronun vurulduğu açıqlanıb;
Təxminən 20 dəqiqə sonra daha dörd dronun məhv edildiyi bildirilib;
01:40–01:46 aralığında isə üç dron vurulub.
Rosaviatsiya (Rusiya Mülki Aviasiya İdarəsi) təhlükəsizlik məqsədilə bir müddətə Şeremetyevo hava limanında uçuşları məhdudlaşdırıb. Qurumun nümayəndəsi Artyom Korenyakonun sözlərinə görə, bu addım qabaqlayıcı tədbir kimi atılıb.
“Shot Telegram” kanalı iddia edir ki, Moskva vilayətində Ukraynaya məxsus pilotsuz uçan aparat döyüş təyyarəsi tərəfindən məhv edilib. Hadisənin Moskva vilayətinin Dmitrov şəhəri ətrafında baş verdiyi bildirilir. PUA-nın qalıqları yanğının başladığı ictimai çimərlik yaxınlığında yerə düşüb. İlkin məlumata görə, xəsarət alan olmayıb.
