Şanxay Əməkdaşlıq Təşkilatına (ŞƏT) üzv ölkələrin iqtisadiyyatları durğunluqda olan Aİ üzvlərindən çox öndədir.
Bunu Rusiya Birbaşa İnvestisiya Fondunun rəhbəri Kirill Dmitriyev deyib.
“ŞƏT ölkələri dünya əhalisinin yarıdan çoxunu, dünya ÜDM-nin təxminən üçdə birini təşkil edir. Və çox vacib olan odur ki, onlar bütövlükdə dünya iqtisadiyyatından, xüsusilə, Avropa, Britaniya və Rusiya ilə birgə müsbət fəaliyyətə diqqət yetirməyən ölkələrin durğun iqtisadiyyatından qat-qat sürətlə böyüyürlər”, – o qeyd edib.
Dmitriyev ŞƏT sammitinin əsas tendensiyalarını da təsvir edib. Onun sözlərinə görə, bunlar assosiasiyaya üzv olan dövlətlərin vətəndaşları üçün böyük əhəmiyyət kəsb edən birgə investisiya layihələridir.
