Şimali Amerikada hazırda hökm sürən anomal istilər fonunda Kanadanın Arktika regionu Nunavutda temperatur rekordları yenilənib.
Müvafiq məlumat Kanada Milli Meteorologiya Bürosunun rəsmi informasiya bülletenində öz əksini tapıb.
Məlumata əsasən, iyulun 5-də Kembric-Bey yaşayış məntəqəsində havanın hərarəti 22.1 dərəcəyə qədər yüksələrək 1930-cu ilə aid rekordu (21.7) üstələyib. Korol-Harbor ərazisində isə temperatur 27.1 dərəcəyədək qızaraq 2002-ci ilin maksimum göstəricisini (24.7) arxada qoyub. Qeyd etmək lazımdır ki, həmin ərazilərdə iyul ayı üçün xarakterik olan normal orta temperatur cəmi 3-9 dərəcə arasında dəyişir.
Xatırladaq ki, keçən həftədən etibarən həm Kanada, həm də ABŞ ərazisində qeyri-adi isti hava şəraiti davam edir və bəzi regionlarda termometrin sütunları 45 dərəcəyədək çatır.
