Sidney Yüzillik İnstitutu alimləri müəyyən ediblər ki, səhləb gülünün tərkibindəki maddələr prostat vəzi xərçənginə qarşı effektli təsir göstərir.
Müvafiq araşdırmanın nəticələri “Frontiers in Oncology” jurnalında dərc edilib.
Məqalədə qeyd olunub ki, prostat vəzi xərçəngi dünyada xərçəng xəstəliklərinin ən geniş yayılmış ikinci növüdür. Ölüm əmsalına görə isə bu xəstəlik öz sinifində altıncı yeri tutur.
Araşdırmaya görə, şəfaverici erianin maddəsi yalnız Cənub-Şərqi Asiyada bitən və elmi adı “Dendrobium chrysotoxum” olan səhləb çiçəyi növündədir. Bu maddə xəstəliyin həm erkən, həm də sonrakı dövrlərində şişə qarşı effektli təsir göstərir.
