Qarabağla bağlı sülh sazişinin imzalanmasının tərəfdarıyıq. Bunun sayəsində biz və dostlarımız sağ qaldıq.
İkinci Qarabağ müharibəsində iştirak edən keçmiş erməni hərbçilər Hayk və Gevorg bu barədə Rusiyanın “İndiki Zaman” kanalına danışıblar.
19 yaşlı Hayk müharibədə yaralandıqdan sonra hələ də Yerevandakı yerli xəstəxanada müalicə alır:
“Bu müqavilə imzalanmasaydı, hətta indiki vəziyyətdə də olmazdıq. Bütün ordumuz orada ölmüş olardı. Və burada olan bir çox insanın orada nə baş verdiyindən xəbəri yoxdur”.
