Moskva Dövlət Tibb Universitetinin İnfeksion Xəstəliklər Laboratoriyasının tədqiqatçısı, tibb elmləri namizədi Maksim Gultyayev bildirib ki, COVID-19 havadakı dəyişikliklər fonunda şiddətlənəcək mövsümi xəstəliyə çevriləcək.
Alim 2021-ci ildə dördüncü infeksiya dalğasının olmayacağını iddia edib.
“Çünki o vaxta qədər tibb sistemi tamamilə silahlanacaq. 2021-ci ildə ölkə əhalisinin koronavirus əleyhinə vaksinasiya olunacağına inanıram. Bundan əlavə, bir çoxu antikorlara sahib olacaq”, – həkim əlavə edib.
Ümumdünya Səhiyyə Təşkilatı (ÜST) da gələn ilin mart ayına qədər COVID-19 pandemiyasında ciddi dönüş yaratmaq niyyətindədir. ÜST o zamana qədər peyvənd, kifayət qədər fərdi qoruyucu vasitələr və sürətli testlər istehsal etməyi planlaşdırır.
