Bu gün ABŞ-da prezident və vitse-prezident seçkiləri keçirilir.
Dövlət administrasiyasının hazırkı başçısı respublikaçı Donald Tramp və demokrat Cozef Bayden dövlət başçısı postu uğrunda mübarizə aparır.
ABŞ-da keçirilən ümumi seçkilərdə 35 senator, Nümayəndələr Palatasının bütün 435 üzvü, 13 ştata və əyalətə qubernatorlar və yerli hökumətlər seçiləcək.
TASS xəbər verir ki, Nyu-Hempşir ştatının Diksvill-Notç qəsəbəsində ilk məntəqə gecə yarısı seçkilər üçün açılıb.
Səsvermə “The Balsams Hotel”də aparılır. Otel təmsilçisinin sözlərinə görə, seçkilərdə ilk səsi 1960-cı ildən bəri kəndin beş sakini verir.
Nəticələri ümumiləşdirmək bir neçə dəqiqə çəkir və onlar dərhal elan olunur.