21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirib.
Milan Obradoviçin yetirmələri fransalı həmyaşıdları ilə üz-üzə gəlib.
Sumqayıtda, “Kapital Bank Arena”da baş tutan görüş qonaqların 2:1 hesablı qələbəsi ilə yekunlaşıb.
Qeyd edək ki, II qrupda yer alan Azərbaycan millisi 7 oyundan sonra 6 xalla 5-ci pillədə yer alır. Bakıdakı qələbədən sonra xallarını 15-ə çatdıran Fransa isə 2-ci sıradakı mövqeyini qoruyub.
Qrupa fransızlarla eyni xalı olan İsveçrə seçməsi başçılıq edir.
7 sentyabr
Avropa çempionatının seçmə mərhələsi
II qrup
Azərbaycan – Fransa – 1:2
Qollar: Tural Bayramov, 90 – Odson Eduar, 25 (pen.). Amin Quiri, 83
Hakimlər: Halis Özkahya, Kerem Ersoy, Serkan Olguncan, Alper Ulusoy (hamısı Türkiyə)
Sumqayıt. “Kapital Bank Arena”
