Bakıda oğurluq hadisəsi baş verib.
Hadisə Azərbaycan prospekti 29 ünvanında kofe mağazasında qeydə alınıb.
Belə ki, gecə vaxtı obyektin qapısını qıraraq içəri daxil olan iki nəfər şəxs mağazanın ofisindən oğurluq edib. Həmin şəxslər ofisdən mağazaya aid kofe çeşidləri, iki kompüter və fotoaparat aparıblar. Mağaza sahibi bildirib ki, oğrular təqribən 6 min manat civarında ziyan vurublar.
Zərərçəkmiş şəxs hadisə ilə bağlı polisə müraciət etdiyini söyləyir.
