Ukrayna dronları Taqanroq körfəzində iki tankerə hücum edib, yanğın başlayıb.
Bu barədə Rostov vilayətinin qubernatoru Yuri Slyusar məlumat verib.
Slyusar özünün Telegram kanalında yazıb: “Taqanroq körfəzində iki tanker yenidən PUA-ların hücumuna məruz qalıb və mexaniki zədə alıb”.
Onun sözlərinə görə, xəsarət alan yoxdur və tanker heyəti təxliyə edilib.
PUA-nın zərbəsi nəticəsində yanğın baş verib, gəmilərdən birində proses davam edir, digərində isə yanğın tamamilə söndürülüb.
