Tehran nüvə başlıqları daşıya bilən 3000 kilometrə qədər mənzilli raketlər hazırlayır
Bu barədə Fransanın “Journal du Dimanche” (JDD) qəzeti mənbələrə istinadla məlumat yayıb.
Nəşr belə qənaətə gəlir ki, sənədlərin sızması iddiasına əsaslanaraq İran belə raketlər hazırlayır.
Bundan əlavə, JDD iddia edir ki, İslam Respublikası gizli şəkildə Qaem-100 daşıyıcı raketində təchiz ediləcək nüvə başlıqları üzərində işləyir.
İslam İnqilabı Keşikçiləri Korpusunun (SEPAH) rəhbərliyi altında Qaem-100 və Qaem-105 raketlərinin təkmilləşdirilmiş variantı üzərində də işlər aparılır.
Nəşrin məlumatına görə, raketin yeni versiyasının yaxın aylarda kommersiya peyklərinin orbitə çıxarılması adı altında bir neçə sınaqdan keçiriləcəyi gözlənilir.
Fevralın 11-də İran Birləşmiş Millətlər Təşkilatına ABŞ prezidenti Donald Trampın güc tətbiqi təhlükəsi barədə xəbərdarlıq edib və özünü müdafiə edəcəyini bildirib.
