ABŞ Prezidenti Donald Trampın administrasiyası Vaşinqtonda olan Ermənistanın baş naziri Nikol Paşinyanın görüş təklifini rədd edib.
Bu barədə “Hraparak” nəşri məlumat yayıb.
Belə ki, rədd cavabı barədə qərar ABŞ prezidentinin milli təhlükəsizlik üzrə müşaviri Maykl Uolts və müdafiə naziri Pit Heqset tərəfindən verilib.
Məlumatda, həmçinin qeyd olunur ki, baş nazirin həyat yoldaşı Anna Akopyan isə ABŞ vitse-prezidentinin xanımı Uşa Venslə görüş təşkil etməyə cəhd edib, lakin bu tələb də rədd olunub.
Xatırladaq ki, N.Paşinyan fevralın 3-dən Vaşinqtonda işgüzar səfərdədir.
