“COVID-19 keçirmiş insanlar sağalmasına şübhə etməməlidirlər, əks halda psixosomatik pozğunluqlar güclənə bilər”.
Bu barədə Rusiyanın Cənubi Ural Dövlət Universitetinin alimləri bəyan ediblər.
Tədqiqatda onlarla regiondan 10 mindən çox insan iştirak edib. Onların cins, yaş, təhsil səviyyəsi, COVID-19 xəstəlik tarixi, öz sağlamlıq vəziyyətinin qiymətləndirməsi, infeksiyadan qorxu və bəzi digər xüsusiyyətləri nəzərə alınıb.
Tədqiqat iştirakçılarının yalnız 16.8%-də koronavirus izsiz keçib.
Araşdırma zamanı məlum olub ki, öz sağlamlığına şübhə edən insanlarda somatik simptomlar ağırlaşıb. Əksəriyyətində mədə-bağırsaq problemləri, bel, ətraf və oynaq ağrıları, başağrıları, gücsüzlük, yuxusuzluq, başgicəllənmə və təngnəfəslik müşahidə olunub.
Maraqlıdır ki, postkovid stresinə qadınlar daha çox meyilli olublar – onlar narahatlıq, tənhalığa meyillilik və depressiya simptomları barədə daha çox məlumat veriblər.
Alimlər vurğulayıblar ki, əldə edilən məlumatlar xəstəliyi keçirənlərin reabilitasiyası üçün psixoloqların tövsiyələrinin əsasını təşkil edə bilər.
