Hindistan 2040-cı ilədək hindistanlı kosmonavtın Aya enməsini hədəfləyən iddialı kosmik proqram yaradıb.
Bu barədə Hindistan Kosmik Tədqiqatlar Təşkilatının (ISRO) sədri Şridhara Somanath NDTV telekanalına açıqlamasında deyib.
O, bu layihənin ölkənin müstəqilliyinin 100 illiyini qeyd edəcəyi vaxta qədər həyata keçirilməsini planlaşdırıldığını bildirib.
“Bizim insanımız oraya gedəcək, bayrağı sancacaq və sağ-salamat geri qayıdacaq. Bu, 2040-cı ildə baş verəcək”, – deyə o bildirib.
ISRO rəhbərinin sözlərinə görə, yol xəritəsi çərçivəsində Hindistan 10 il ərzində öz kosmik stansiyasını yaratmağı planlaşdırır. Buna doğru ilk addım artıq 2028-ci ildə kosmik stansiya modulunun buraxılması ilə atılacaq.
