İsrail Ümumi Təhlükəsizlik Xidməti İranı yüksəkrütbəli İsrail siyasətçilərinə, hərbi xadimlərinə və alimlərə qarşı 200-dən çox haker hücumu həyata keçirməkdə ittiham edib.
Məlumata görə, hakerlər “fişinq hücumları” adlanan üsuldan istifadə ediblər – bu, digər xidmətlər kimi maskalanmış zərərli linklərin göndərilməsi vasitəsilə qarşı tərəfdən məxfi məlumatların əldə edilməsi üsuludur. Xüsusi xidmət orqanlarının bildirdiyinə görə, hücumlar elektron poçt, “WhatsApp” və “Telegram” mesencerləri vasitəsilə həyata keçirilib. Hakerlər bu yolla qurbanların cihazlarına istifadəçinin ev ünvanını və hərəkətlərini ötürən zərərli proqram təminatı yükləməyə çalışıblar.
