Aarxeoloqlar Almaniyada Reynland-Pfaltsdakı Herşbax icması yaxınlığındakı dağlıq ərazidə tapılan üç min qədim Roma sikkəsindən ibarət sirli xəzinəni araşdırmağa davam edirlər.
Bu barədəd “My Modern Met” məlumat yayıb.
Sikkələr bir keramika qabda aşkar edilib, lakin onların qorunma vəziyyətinin pis olması səbəbindən onlardan yalnız yüzə yaxını müsbət şəkildə müəyyən edilib. Bu sikkələr eramızın III əsrində, Roma imperatoru III Qordianın və Qaliya imperatoru Viktorin dövründə zərb edilib.
Alimlər xəzinənin 260-274-cü illərdə müasir İspaniya, Fransa və İngiltərə ərazilərində mövcud olan Roma və Qalliya imperiyalarından bu qədər uzaqda tapıldığına təəccübləniblər.
Bir nəzəriyyəyə görə, bu sikkələr Qalliya İmperiyası tərəfindən alman tayfalarının başçılarına onların hücumlarından qorunmaq üçün rüşvət vermək üçün istifadə oluna bilərdi. Lakin 3-cü əsrdə Herşbax ərazisində alman məskənlərinin olması məlum deyildi.
Tədqiqatçılar bu sirri hələ də həll edə bilmədiklərini etiraf edirlər. Onlar əlavə sikkələr restavrasiya olunduqdan sonra xəzinənin mənşəyi haqqında daha çox məlumat əldə etməyə ümid edirlər.
