22 metrlik ot yeyən dinozavrın skeleti Fransada hərracda 6 milyon avroya satılıb.
Agentliyin məlumatına görə, satılan Apatozavrın skeleti 2018-ci ildə ABŞ-ın Vayominq ştatında aşkar edilib. Daha sonra Fransaya aparılıb və iki il ərzində bərpa edilib. Dinozavrın 150 milyon yaşı var. Onun sümüklərinin 80%-ə qədəri qorunub saxlanılıb. Hərrac evi qeyd edib ki, skelet dünyada hərracda satılan ən böyük dinozavra məxsusdur.
Hərrac evinin qeyd etdiyi kimi, skeletin alıcısı anonim qalmaq istəyib. O, həmçinin dinozavr skeletinin muzeydə nümayişinə icazə verməyi planlaşdırır.
