Alimlər boynundan bir metr uzunluğunda tikanlar çıxan nadir dinozavr növü kəşf ediblər.
Mərakeş ərazisində edilən kəşf alimləri heyrətləndirib.
Onlar hesab edirlər ki, bu tapıntı zirehli dinozavrların təkamülü ilə bağlı mövcud nəzəriyyələri yenidən gözdən keçirilməsini zəruri edir.
Belə ki, “Spicomellus afer” adlanan növün bu nümayəndəsi 165 milyon il əvvəl yaşayıb. O, zirehli dinozavrların ən qədim nümunəsi, eyni zamanda indiyədək aşkar edilmiş ən qeyri-adi dinozavrlardan biri hesab edilir.
London Təbiət Tarixi Muzeyindən professor Syuzanna Meydment bildirib ki, tikanların birbaşa sümüyə birləşməsi olduqca nadir hadisədir. Onun sözlərinə görə, bu xüsusiyyəti nə qədim, nə də müasir heyvanlarda görmək mümkündür.
