İran iyulun 25-də İstanbulda Almaniya, Fransa və Böyük Britaniyadan ibarət “Avropa üçlüyü” ilə “nüvə sazişi” üzrə danışıqların yeni raundunun keçirilməsinə razılaşıb.
Bu barədə İslam Respublikası Xarici İşlər Nazirliyinin nümayəndəsi İsmail Baqayi məlumat verib.
“Avropa ölkələrinin sorğusuna cavab olaraq, İran JCPOA-nın (Birgə Kompleks Fəaliyyət Planı) üç avropalı iştirakçısı ilə danışıqların yeni raundunun keçirilməsinə razılıq verib”, – o qeyd edib.
O bildirib ki, planlaşdırılan görüşün xarici işlər nazirlərinin müavinləri səviyyəsində keçirilməsi nəzərdə tutulur. Bildirilir ki, Tehranı danışıqlarda siyasi məsələlər üzrə müavin Məcid Təxt-Rəvançi və hüquq və beynəlxalq məsələlər üzrə müavini Kazem Qəribabadi təmsil edəcək.
