Ermənistanın baş naziri Nikol Paşinyan Rusiya prezidenti Vladimir Putinlə gözlənilən görüşün gündəliyi barədə danışıb.
Paşinyan bu barədə bu gün keçirdiyi mətbuat konfransında bildirib.
Rusiya ilə gündəm müxtəlifdir və bilirsiniz ki, bu müddət ərzində bir çox suallar ortaya çıxdı. Amma biz heç vaxt bu sualları sual naminə qaldırmamışıq”, – Paşinyan bildirib.
Onun sözlərinə görə, çoxtərəfli və ikitərəfli münasibətlərin bütün gündəliyi müzakirə mövzusu olacaq. Təfərrüatlar görüşdən sonra veriləcək.
Bir müddət əvvəl Rusiya Prezidentinin beynəlxalq məsələlər üzrə köməkçisi Yuri Uşakov bildirmişdi ki, Kreml mayın 8-də Putin və Paşinyan arasında keçiriləcək görüşə böyük əhəmiyyət verir və bu, ikitərəfli münasibətlərdə “i” nöqtəsinə çatmağa kömək edəcək.
Xatırladaq ki, görüş Ermənistanın baş naziri Nikol Paşinyanın sədrliyi ilə Moskvada keçiriləcək Aİİ-nin yubiley sammiti çərçivəsində baş tutacaq.
