- İran parlamentinin Tehrandan olan deputatı Mənuçöhr Möttəkki televiziya proqramlarının birində bəyan edib ki, bölgədə yerləşən və İslam Respublikasına hücum etmək üçün istifadə olunan bazalar “legitim hədəflərdir” və onlardan birini ələ keçirmək lazımdır.
Bu haqda “Yerusalem Post” nəşri məlumat yayıb.
O bildirib ki, İran ABŞ-ın hücumlarına və İranın Xarq adasına və İranın cənubundakı digər əsas neft obyektlərinə hücum təhdidlərinə cavab olaraq yüzlərlə və ya minlərlə ABŞ əsgərini qaçırmalıdır .
Ötən həftə Möttəki ABŞ və İran arasında İslamabad Anlaşma Memorandumunun danışıqlarının “aldatma planı” olduğunu bildirib.
Dövlət mediası Möttəkinin sözlərinə istinadla bildirib ki, “Danışıqlar qrupu hələ də buna inanmırsa, görüş keçirin və bunu onlara izah edin”.
Xəbəri “Azad İran” telegram-kanalı da təsdiqləyib.
“İslamabad bir plan, ABŞ-ın daha geniş aldatma və manevr sxemi idi. Amerikalıların iki-üç gün ərzində başa çatdıra biləcəklərini və İslam Respublikasına son qoymaq məqsədinə çatacaqlarını düşündükləri bir planı var idi. Onlar uğursuz oldular”, – deyə o, əlavə edib.
Möttəki deyib: “ABŞ-nin bölgədəki hərbi bazalarına qurudan hücum etməli, onları ələ keçirməli, minlərlə amerikalı əsgəri əsir götürərək İrana gətirməliyik”.
O, həmçinin əlavə edib ki, biz quru hücumuna başlamalıyıq — hansı ki, amerikalılar uzun müddətdir bununla hədələyir, lakin addım atmağa cəsarət etmirlər…
