NASA sıravi turistlərin Beynəlxalq Kosmik Stansiyada (BKS) qalmasına icazə verəcək.
Turistlər bir ay müddətində stansiyada qalmaq şansı qazanacaq. Stansiyada bir gecənin qiyməti isə 35 min dollar olacaq.
Təxmini hesablamaya görə, uçuşun ümumi dəyəri bir turist üçün 50 mln. dollara başa gələcək. NASA BKS-ə ildə maksimum iki belə özəl reys təşkil etmək niyyətindədir. Hər bir reys isə 30 gün çəkəcək.
İlk missiyanın 2020-ci ildə həyata keçirilməsi planlaşdırılır. Turistlər BKS-ə “Boeing” və “SpaceX” şirkətlərinin hazırladığı sistemlərlə yollanacaq.
