Ukraynanı Avropanın ən aparıcı ölkəsinə çevirmək uğrunda mübarizə aparacağam.
Bu sözləri Gürcüstanın eks-prezidenti Mixail Saakaşvili Feysbuk hesabında yazıb.
“Mən Ukraynanın dünyada əsas azarkeşlərindən biriyəm. Sizinlə birgə Ukraynanın Avropanın ən aparıcı ölkəsi olması üçün mübarizə aparacağam. Mən Ukraynaya inanıram”, – Saakaşvili ukraynalılara müraciətlə deyib.
Zelenskiyə vətəndaşlığını qaytardığı üçün təşəkkür edən Saakaşvili sabah axşam saatlarında Ukraynaya qayıdacağını bildirib.
Qeyd edək ki, Prezident Zelenski Saakaşvilinin Ukrayna vətəndaşlığını bərpa edib.
