Çıxış edənlər Silahlı Qüvvələr Günü münasibətilə hərbçiləri təbrik edib, bildiriblər ki, bu gün Azərbaycanın qüdrətli və nizami orduya malik olması məhz uzaqgörən rəhbərin gərgin zəhmətinin bəhrəsidir. Azərbaycan Respublikasının Prezidenti, Ali Baş Komandan cənab İlham Əliyevin xüsusi diqqət və qayğısı sayəsində son illərdə ordunun döyüş qabiliyyəti daha da yüksəlib, maddi-texniki bazası möhkəmləndirilib, Azərbaycan ordusu regionun ən qüdrətli ordusuna çevrilib və hər an düşmənə layiqli cavab vermək əzmindədir. Ölkə rəhbərinin iştirakı ilə 2011, 2013 və 2018-ci illərdə Silahlı Qüvvələrimizin möhtəşəm hərbi paradı, Azərbaycanın Milli Qəhrəmanı Mübariz İbrahimovun şücaəti, “Aprel zəfəri” və Naxçıvan əməliyyatları Milli Ordumuzun gücünün və qüdrətinin göstəricisidir..
Çıxışlarda Milli Ordunun yaranma tarixindən, Ulu Öndər Heydər Əliyevin silahlı qüvvələrimizin güclənməsi istiqamətində göstərdiyi xidmətlərdən, Azərbaycan Silahlı Qüvvələrinin hərbi quruculuğu prosesindən, 2016-cı il “Aprel döyüşləri”ndə Milli Ordumuzun göstərdiyi şücaətdən, ölkənin silahlı qüvvələrinin döyüş qabiliyyətindən, texniki təchizatından, zabit kadrlarının hazırlıq səviyyəsindən ətraflı məlumat veririlib.
Sonra Gəncə, Göygöl gənclərinin və fiziki məhdudiyyətli gənclərin vətənpərvərlik ruhunda çəkilən videoçarxdakı çıxışlar və mahnılar hər kəsdə xoş əhval-ruhiyyə yaradıb.
Zoom platforması üzərindən təşkil olunmuş tədbiri 40 dan çox iştirakçı dinləyib.
