SSRİ milli komandasının tərkibində Mexiko Olimpiya Oyunlarının qalibi, nizə atıcısı Janis Lusis 81 yaşında vəfat edib.
Bu barədə Latviya Atletika İttifaqın məlumat yayıb.
O, 1968-ci il Olimpiadasını qazanmaqla yanaşı, 1972-ci ildə gümüş, 1964-cü ildə isə bürünc medala sahib olub.
İki dəfə dünya rekordunu qıran Lusis, həm də 4 dəfə Avropa çempionu adını qazanıb.
1987-ci ildə Beynəlxalq Atletika Federasiyaları Birliyi Luisisi idman tarixinin ən yaxşı atıcısı adına layiq görüb. 2014-cü ildə isə atletikanın inkişafına xüsusi töhfəsinə görə Beynəlxalq Federasiyanın Şöhrət Zalına daxil edilib.
Qeyd edək ki, Lusis son illərdə xərçəng xəstəliyindən əziyyət çəkirmiş.
