İNK-nın Göygöl rayon nümayəndəliyinin rəhbəri vəzifəsinə bu rayonun Xaqani kənd uşaq musiqi məktəbinin dərs hissəsi müdiri Aygül Saday qızı Bağırova təyin olunmuşdur.
2006-cı ildə Gəncə Dövlət Universitetində təhsilini qırmızı diplomla bitirmiş A.Bağırova eyni zamanda, Yeni Azərbaycan Partiyasının Göygöl rayon təşkilatının Gənclər Birliyinin sədr müavini vəzifəsində çalışır.
Onu da qeyd edək ki, İNK-nın Gəncə şəhərinin iki rayonu üzrə nümayəndələri də təyin olunmuşdur. İNK-nın Gəncə şəhər nümayəndəliyinin sədri Altun Süleymanovun verdiyi təqdimata əsasən, İNK-nın İdarə Heyətinin sədri (o, həmçinin DAMM-nin I vitse-prezidenti, SİMİB-in rəhbəridir) Rasim Məmmədov İNK-nın bu şəhərin Nizami rayonu üzrə nümayəndəliyinə Nərmin Qurbanovanın, Kəpəz rayonu üzrə nümayəndəliyinə isə Günel Ələsgərlinin rəhbərlik etməsinə qərar vermişdir.
“ictimaixeber.az”
