Terapevt Daniil Trinz alzheymer xəstəliyinin inkişafına səbəb olan əsas amilləri sadalayıb.
Onun sözlərinə görə, ən böyük təhlükələr bunlardır:
Piylənmə;
Ürək xəstəliyi;
Damar patologiyaları;
Diabet;
Eşitmə problemləri.
Həkim həmçinin travmatik beyin zədələnmələrini, depressiyanı, sağlam olmayan vərdişləri və oturaq həyat tərzini ciddi risklər kimi qeyd edib.
Mütəxəssis 65 yaşdan yuxarı insanların və bu xəstəliyə genetik meylli insanların xüsusilə narahatlıq doğurduğunu bildirib. Riski azaltmaq üçün o, yuxunu yaxşılaşdırmağı, fiziki aktivliyi artırmağı və MIND pəhrizinə əməl etməyi tövsiyə etdi. Bu pəhrizə göyərtilər, giləmeyvələr, qoz-fındıq, dənli bitkilər, balıq və zeytun yağı daxildir.
Trinz, həmçinin, xəstəliklərin qarşısının alınması üçün sosial təmasın vacibliyini vurğulayıb. O qeyd edib ki, yaxınlarınız və yeni tanışlarınızla üz-üzə ünsiyyət əla beyin məşqidir və illərlə zehni aydınlığın qorunmasına kömək edir.
Alzheimer xəstəliyi, beyindəki sinir hüceyrələrinin (neyronların) zədələnməsi ilə yaddaş, düşüncə, davranış və gündəlik funksiyalarda ciddi pozuntulara səbəb olan xroniki neyrodegenerativ bir pozulmadır. Ən çox 65 yaşdan sonra ortaya çıxır, lakin bəzi hallarda erkən yaşlarda da (40-50 yaş aralığında) inkişaf edə bilər.
Bu xəstəlik beynin funksional sahələrini zamanla sıradan çıxarır. İlk mərhələdə yüngül unutqanlıqla başlayan proses, son mərhələdə tam asılılıq və şəxsiyyət dəyişikliyinə qədər gedə bilər.
Bu xəstəlik zamanı beyində nələr dəyişir, gəlin birlikdə baxaq:
Sinir hüceyrələri arasında normal əlaqə pozulur.
Beyin hüceyrələri bir-biri ilə əlaqə qura bilmədikdə idrak funksiyaları zəifləyir.
Yaddaş və yönləndirmə funksiyalarının zədələnməsi halları baş verir.
Erkən mərhələdə diaqnostika və tibbi nəzarət Alzheimer xəstəliyinin idarə olunmasında böyük rol oynayır. Bona Dea Hospitalında müasir texnologiyalarla bu xəstəliyin diaqnostikası və fərdi müalicə planları hazırlanır.
