Rusiya qoşunları Ukraynanın Çasov Yar şəhərinin ətrafına daxil olub.
Bu barədə qondarma “DXR” rəhbərinin müşaviri Yan Qaqin bildirib. O aydınlaşdırıb ki, Ukrayna hərbçiləri bir il ərzində şəhərdə ciddi istehkamlar tikib, ərazi minalanıb.
“Hazırda mövqelərimizdən Çasov Yarına qədər təxminən yarım kilometr qalıb. Deyə bilərik ki, Rusiya hərbçiləri artıq şəhərətrafı ərazilərdədir”, – Qaqin qeyd edib.
Qaqin əlavə edib ki, Ukrayna Silahlı Qüvvələri şəhərin özündə ciddi möhkəmləndirilmiş ərazi tikib, ona görə də rus ordusu ehtiyatla hərəkət edir. Rusiya ordusunun əsas vəzifəsi şəxsi heyəti qorumaqdır.
