Dünyada bir milyarddan çox insanın istifadə etdiyi “Google”un süni intellektin (AI) yaratdığı premium məzmuna görə ödənişli olacağı iddia edilir.
“Alphabet”ə məxsus şirkətin iş modelini yenilədiyi və əsas məhsullarının bir hissəsinin ödənişli olacağı bildirilir.
İddia doğru olarsa, bu, “Google”un hər hansı məzmun üçün ilk dəfə ödəniş alması olacaq. “Google” mövzu ilə bağlı heç bir açıqlama verməyib.
“Financial Times”-ın (FT) məlumatına görə, şirkət artıq “Google”un viral çatbot “ChatGPT” versiyası olan “Gemini” adlı yeni texnologiyanı istifadəyə verib. Bildirilir ki, rəhbərlər texnologiyadan istifadə edib-etməmək barədə hələ qərar qəbul etməyiblər, lakin mühəndislər xidməti tətbiq etmək üçün lazım olan texniki bilikləri inkişaf etdirirlər.
FT qeyd edib ki, “Google”un ənənəvi axtarış sistemi pulsuz olaraq qalacaq.
Qeyd edək ki, “Google” 2015-ci ildən internet istifadəçilərinin 80 faizindən çoxu ilə masaüstü axtarış bazarında üstünlük təşkil edir. Müxtəlif vebsaytlar onun bir milyarddan çox gündəlik istifadəçisi olduğunu iddia edir. “Google”un gəlirlərinin böyük hissəsi reklamdan gəlir. 1,6 trilyon dollar gəlirlə dünyanın ən böyük internet şirkətlərindən biri hesab olunur.
