“Hazırda 28 min azərbaycanlı tələbə qardaş Türkiyədə təhsil alır”.
Bunu elm və təhsil naziri Emin Əmrullayev Bakıda keçirilən təhsil sərgisində çıxışı zamanı deyib.
Onun sözlərinə görə, bütün sahələrdə olduğu kimi qardaş Türkiyə ilə təhsil sahəsində də əməkdaşlığımız inkişaf edir.
Nazir bildirib ki, Azərbaycan üçün xaricdə təhsil işi hər zaman önəmli olub: “Hələ 1970-ci illərdə ulu öndər Heydər Əliyevin dövründə xaricdə təhsil alaraq ölkəyə qayıdan gənclərimiz ölkəmizin gələcək uğurlarında əsas aktorlardan birinə çevrilib”.
E.Əmrullayev vurğulayıb ki, bu il 300-dən artıq gənc xaricdə təhsil almaq imkanı əldə edib.
