“Böyük Britaniyanın elmi və tibbi təcrübəsi Azərbaycanda həyatları xilas edəcəkdir”.
Bu sözləri Böyük Britaniyanın Azərbaycandakı səfiri Ceyms Şarp “Twitter” hesabında yazıb.
“Azərbaycanın COVAX vasitəsilə 500 min doz AstraZeneca/Oxford peyvəndi alacağını eşitmək çox xoşdur”, – deyə səfir bildirib.
Qeyd edək ki, Beynəlxalq Peyvənd və İmmunizasiya Alyansı (GAVI) COVAX proqramı çərçivəsində COVID-19 peyvəndi ilə təmin edəcəyi ölkələrin siyahısını açıqlayıb. Siyahıda ölkəmizin də adı qeyd olunub və Azərbaycanın 506 400 doz AstraZeneca/Oxford vaksini alacağı bildirilib.
